pvp.do.am

"ისინი" გვიტევენ

kote-112 — Tue, 12 Apr 2011 19:00:39 GMT

დედამიწას ბევრი ისეთი ადამიანი ამძიმებს,რომელიც ყველაფერზე წავა ყურადღების მიქცევისა და თავისი სუბიექტის პოპულარიზაციის მიზნით.ადამიანების ეს კატეგორია უხსოვარი დროიდან დააბიჯებს ჩვენს პლანეტაზე და ზოგჯერ ისეთ სისულელეს შემოგვთავაზებს,რომ ადეკვატურ რეაქციად მხოლოდ "დაცინვასა" და ცინიზმს თუ წარმოვიდგენთ.
სწორედ ასეთ ადამიანთა კატეგორიას მივაკუთვნებ სატონების ოჯახს,რომლებმაც 1955 წლის 21–22 აგვისტოს გაუხსნეს თავინათ "ნიჭს" გზა...სატონების ოჯახი კენტუკის შტატის(აშშ) სოფელ კელის მკვიდრნი იყვნენ და ფერმერობით ირჩენდნენ თავს.ყველაფერი ჩვეულებრივად იყო მათ ცხოვრებაში,მაგრამ დადგა ნახსენები თარიღი და მრავალი ადამიანის ყურადღება ამ პატარა სოფლისაკენ იქნა მიმართული.
გადავხედოთ მოვლენებს ქრონოლოგიური თანმიმდევრობით.
21 აგვისტოს სატონებთან სტუმრად რამდენიმე ადამიანი იმყოფებოდა.საღამოს 7 საათისათვის ბილ ტეილორი გარეთ გავიდა,მცირედი სვლის შემდეგ მან ცაზე მფრინავი ობიექტი შენიშნა,რომელიც ანათებდა და სახლს თანდათან უახლოვდებოდა.

8 საათზე სატონების ძაღლის ყეფა გაისმა.ბილ ტეილორი და სატონების ოჯახის უფროსი შეიარაღდნენ,გავიდნენ გარეთ და თმა ყალყზე დაუდგათ,როცა დაინახეს ადამიანის მსგავსი რამდენიმე არსება,რომლებიც საკმაოდ მაღალი იყვნენ და უცნაური გარეგნობა ჰქონდათ.
მალევე გაისმა გასროლის ხმა.როგორც სატონები ამბობენ,გასროლისას მეტალის ხმა გაისმა,ანუ ჰუმანოიდებმა ტყვია არ მიიკარეს.

სატონები და მათი სტუმრები ამ ფაქტის შემდეგ სახლში ჩაიკეტნენ,შუქები ჩააქრეს და კარგის მოლოდინში გაირინდნენ.თუმცა სიჩუმეს არღვევდა სახურავზე მოსიარულე არსებები.მალევე ფანჯრის მინებში გამოჩნდა უცნაური სახე,რაზეც ქალებმა და ბავშვებმა კივილი მორთეს.
მამაკაცებმა გმირობის ჩადენა გადაწყვიტეს და ერთ–ერთი მათგანი გავიდა ეზოში,მაგრამ საქმე ცუდად წაუვიდა,რადგან მას ქეჩოში წვდა ერთ–ერთი ჰუმანოიდი.

11 საათისათვის სატონები და მათი სტუმრები გამალებით ტოვებენ სახლს,სროლით იკვლევენ გზას,სხდებიან ავტომობილებში და "დაოთხილნი" უახლოვდებიან პოლიციის შენობისკენ.პოლიციელები გაკვირვებულნი დარჩნენ სატონების მონათხრობით,მართალია არ დაიჯერეს ეს ფაქტი და სისულელედ ჩათვალეს,მაგრამ დაზარალებულების მოთხოვნამ გაჭრა და მალევე ჰუმანოიდთა "დისლოკაციის" ადგილის დეტალური თვალიერება განხორციელდა.პოლიციელებმა ვერანაირი "არამიწიური" კვალი ვერ აღმოაჩინეს.მალე პოლიცია წავიდა და სატონებიც სახლს დაუბრუნდნენ.დილის 5 საათზე ერთ–ერთმა ქალბატონმა ფანჯრიდან ისევ დაინახა უცნაური არსება,რომელიც მალევე გაუჩინრდა... ეს იყო უკანასკნელი კონტაქტი სატონებისა და უცნაური არსებებისა...
სოფელ კელიში მომხდარი ინციდენტი მალევე გავრცელდა,ეს პატარა სოფელი პოპულარული ადგილი გახდა,არაერთი უფოლოგი და ჟურნალისტი ჩავიდა საქმის გასაცნობად.სატონები პოპულარურულნი გახდნენ,თუმცა ვაი ასეთი პოპულარობას.მრავალი ადამიანი მათ ამბავს "მონაჩმახს" უწოდებდა და გულიანად ხარხარებდა.უმეტესობა მიიჩნევდა,რომ მათი მიზანი იყო მხოლოდ ყურადღების მიქცევა და ამ მიზნით მოიგონეს ეს სისულელე.თან ეს ის დროა,როცა ადამიანებში პოპულარობით სარგებლობს უცხოპლანეტელების შესახებ მითები.
მიუხედავად ბრალდებებისა და დაცინვისა,დაზარალებულები მაინც ბოლომდე თავის აზრზე დარჩნენ...ამ ფაქტმა გამახსენა გასულ წელს საქართველოს ერთ–ერთ სოფელში მომხდარი ფაქტი.სოფლის მცხოვრებლები ამტკიცებდნენ,რომ ჭინკები შემოტევა ყოველდღიური მოვლენა იყო,თუმცა ჭინკები თვალით არ უნახავთ,მხლოდ კენჭების სროლას ჰქონდა ადგილი... ვინ ისროდა კენჭებს დღესაც გაურკვეველია...

ტეკუმსეს წყელვა

kote-112 — Tue, 12 Apr 2011 18:56:02 GMT

აშშ_ში თეთრკანიანების გამოჩენა აბორიგენი წითელკანიანებისათვის გენოციდის მომტანი აღმოჩნდა.საუკუნეთა მანძილზე ნადგურდებოდა ინდიელთა ტომები და საბოლოოდ ისინი რეზერვაციის მცხოვრებლებად იქცნენ.ინდიელთა გენოციდზე სხვა დროს ვილაპარაკებ,ახლა გაგაცნობთ ინდიელთა შაუნის ტომის ბელადის ტეკუმსეს წყევლის ლეგენდას,რომელმაც არაერთხელ შეახსენა აშშ_ს პრეზიდენტებს თავი და სიკვდილის მოციქულის მანტია მოირგო.

1802 წელს შშ_ს პრეზიდენტ თომას ჯეფერსონის ბრძანებით,ინდიანას შტატის სენატორ უილიამ ჰარისონს(რომელიც საპრეზიდენტო სავარძელს "უმიზნებდა") დაევალა ინდიელთა ტერიტორიების დაკავება,მაგრამ ყველაფერი უნდა გაკეთებულიყო იმისათვის,რომ არ მომხდარიყო ინდიელებთან სამკვდრო–სასიცოცხლო ბრძოლაში ჩართვა.ჰარისონი კი სულ სხვა მიზანს ემსაურებოდა,მან მიზნად დაისახა "ოკუპირებული" ტეროტორიების ინდიელებისგან წმენდა და განადგურება.
ამ ტერორიტორიაზე სახლობდა შაუნის ტომის ინდიელები,რომელთა ბელადიც იყო ტეკუმსე("მფრინავი ისარი").ტეკუმსე და მისი ძმა ტენსკვატავა შეეცადნენ ინდიელთა დარაზმვას.ცდამ გაამართლა და მალე შაუნის ტომი გაერთიანდა ერთი მიზნით–საკუთარი საცხოვრებლის შენარჩუნება.
ინდიელთა რაზმი ინდიანას შტატის ცენტრალურ ნაწილში დაბანაკდა.1811 წელს ჰარისონმა პრეზიდენტისგან მორიგი დავალება მიიღო–ინდიელთა წინააღმდეგობის ჩახშობა.
1811 წლის 7 ნოემბერს მოხდა ბრძოლა ჰარისონის ჯარისკაცებსა და ტეკუმსეს რაზმს შორის.ინდიელები დამარცხდნენ,მათი ტერიტორია კი "თეთრმა სახლმა" ჩაიგდო ხელში.

გავიდა მცირე ხანი და ტეკუმსე ჰარისონს უგზავნის შემდეგი შინაარსის წერილს,რომელსაც ტეკუმსეს წყევლას უწოდებენ:

"ჰარისონი წელს ვერ გახდება მმართველი.მაგრამ მას შეუძლია გაიმარჯვოს შემდგომში,გამარჯვების შემთხვევაში... ის ვერ დაამთავრებს მმართველობას.ის მოკვდება.ჰარისონი მოკვდება მმართველობის დროს და ამის შემდეგ ყველა ბელადი 20 წლის შუალედებით, მის ბედს გაიზიარებს.და ამ სიკვდილის შემდეგ ყველა გაიხსენებს ჩვენი ერის ტრაგედიას..."

ასე ჩაირთო წამზომი და ბედის ირონიით 20 წლიანი შუალედები სიკვდილის მომტანი აღმოჩნდა.1840 წელს უილიამ ჰარისონი აშშ_ს პრეზიდენტად აირჩიეს.ის 68 წლის იყო.1841 წლის 4 მარტს,ინაგურაციის ცერემონიალზე ჰარისონი ვერც წარმოიდგენდა,რომ 1 თვის შემდეგ აღესრულებოდა.4 აპრილს უილიამ ჰარისონი პნევმონიით გარდაიცვალა.აღსრულდა ტეკუმსეს წყევლის პირველი ნაწილი.1860 წელს პრეზიდენტის სავარძელი დაიკავა აბრაამ ლინკოლნმა.1865 წლის 14 აპრილს ოჯახთან ერთად პრეზიდენტი ვაშინგტონის ფორდის თეატრს ეწვია,სპეკტაკლ "ჩვენი ამერიკელი კუზენის" სანახავად.მცირე ხნის შემდეგ გამოჩნდა მსახიობი ჯონ უილს ბუტი,რომელმაც აბრაამს შუბლი გაუხვრიტა ტყვიით.ლინკოლნი 15 აპრილს 7:20 წუთზე გარდაიცვალა.1980 წელს მსახიობი რეიგანი ჩაუდგა აშშ_ს სათავეში.1981 წლის 30 მარტს პრეზიდენტს თავს დაესხა სულიერი ავადმყოფი ჯონ ჰინკლი.პრეზიდენტი მკერდში დაიჭრა.სიკვდილის აჩრდილი ახლოს იყო რეიგანთან,თუმცა მედიცინის თანამედროვე მიღწევებმა პრეზიდენტი იხსნეს სიკვდილის კლანჭებისგან.2000 წელს ჯორჯ ბუში–უმცროსის ეპოქა დადგა.მისი პრეზიდენტობა ყველანაირი პისტოლეტთა სროლითა და "სნაიპერ შუთების" გარეშე დასრულდა.თუმცა სწორედ მის ეპოქაში მოხდა 11 სექტემბის ტრაგედია,ავღანეთისა და ერაყის სისხლიანი ომი...

რაც შეეხება ტეკუმსეს.წარუმატებელი წინააღმდეგობის შემდეგ ის ინგლისელების მხარეზე გადავიდა და 1812–1814 აშშ–ინგლისის ომშიც(ამ ომში ორივე მხარეს მრავლად იყო ინდიელთა სხვადასხვა ტომები) მიიღო მონაწილეობა.მას შესთავაზეს ჩაეცვა გენერლის ინგლისური ფორმა,თუმცა ტეკუმსემ არ დათმო ინდიელთა სამოსი.ამ ბრძოლას შეეწირა 45 წლის ტეკუმსე,ბრძოლას რომელიც სულ სხვა მიზანს ემსახურებოდა და ინდიელთათვის არანაირი შედეგის მომტანი ვერ იქნებოდა.

განუზომელია ინდიელთა დანაკარგები,განუზომელია ის სისასტიკე,განუზომელია...
აშშ–ს მთელს ტერიტორიაზე მიწისქვეშა სისხლიანი მდინარეები მოედინება,წითელკანიანთა წითელი სისხლის მდინარეები...

"განკითხვის დღის საათი"

kote-112 — Tue, 12 Apr 2011 18:51:23 GMT

აპოკალიფსის თემით მასების ზომბირება გამალებით ხდება და არაერთი ვერსია არსებობს განკითხვის დღისა.ზომბირების მსხვერპლად მრავალი ადამიანი მოგვევლინა,დაიარება ტვინგამორეცხილთა არმია და შიშით შესცქერის კალენდარს,ზოგს იქნებ წამზომიც ჩართული აქვს და 2012მდე დღეების უკუთვლას ახდენს.საცოდავია ადამიანი,რომელიც პანიკაში მომენტალურად ვარდება და იმას ვერ ხვდება(თუ გვიან ხვდება),რომ "შეთქმულების თეორიის" ქვაბში იხარშება.

მეორე მსოფლიო ომმა კარი ჰიროსიმა–ნაგასაკის ატომური დაბომბვით გაიხურა.მესამე მსოფლიო ომი ატომური ომი იქნება,ხოლო მეოთხე ომის დროს პირველყოფილ ადამიანთა დაპირისპირების მომსწრენი ვიქნებით... საოცარი სანახაობა იქნება–ქვის ცულები,ხის ისრები...ყიჟინა და ზავი... ახალი გეოპოლიტიკური გადანაწილება...

ატომური იარაღს,წყალბადის ბომბიც მოჰყვა.დაიწყო მასობრივი შეიარაღება.მართალია ატომურ ფიზიკას უფრო ჰუმანური მიმართულებაც მისცეს და ატომური ელექტროსადგურების მასობრივი ექსპლოატაციაც მოხდა.შემდეგ იყო ჩერნობილი,ბეწვის ხიდი სახელად–"ფუკუშიმა".

1947 წელს ამერიკულმა ჟურნალმა "Bulletin Of Atomic Scientists" წარმოადგინა საინტერესო პროექტი,სახელად "განკითხვის დღის საათი".ამ პროექტის გარშემო გაერთიანდა ატომური იარაღის შემქმნელთა ჯგუფის რამდენიმე წევრი და "საათის" ისრებიც ამოძრავდნენ.პროექტის არსი შემდგომია–ჩვეულებრივი საათი.საათის ცენტრია XII.დრო შუაღამემდე(24:00) რაც უფრო ახლოსაა მით უფრო იძაბება სიტუაცია მსოფლიოში.ხოლო მომენტი როცა საათის ციფრები თავს მოიყრის თორმეტზე და დაფიქსირდება შუაღამე,ნიშნავს "განკითხვის დღეს",უფრო სწორედ ატომურ აპოკალიფსს.საათის დროის ფიქსაცია ხდება პერიოდულად კომპეტენტური ადამიანების(განსაკუთრებით აღსანიშნავია ნობელის პრემიის 18 ლაურეატი) შეფასებების გათვალისწინებით.

განვიხილოთ სიტუაცია(დრო საათზე) 1947 წლიდან 2010 წლამდე.

1947 წელი – 11:53 სთ – პროგრამის დასაწყისი.
1949 წელი – 11:57 სთ – საბჭოთა კავშირი ახდენს ატომური იარაღის პირველ გამოცდას.
1953 წელი – 11:58 სთ – აშშ და სსრკ ახდენს თერმობირთვული იარაღის გამოცდას.
1963 წელი – 11:48 სთ – აშშ და სსრკ თანხმდებიან ატომური იარაღის ცდების აკრძალვაზე,
1968 წელი – 11:53 სთ – საფრანგეთი და ჩინეთი ქმნიან საკუთარ ბირთვულ იარაღს.
1969 წელი – 11:50 სთ –აშშ_ს სენატში, რატიფიცირებულ იქნა შეთანხმება ატომური შეიარაღების გაუვრცელებლობის შესახებ.
1974 წელი – 11:51 სთ – ინდოეთი ატარებს ატომური იარაღის გამოცდას.
1981 წელი – 11:56 სთ – ომი ავღანეთში.მდგომარეობის დაძაბვა აშშ_სა და სსრკ_ს შორის.
1990 წელი – 11:50 სთ – ბერლინის კედლის დაცემა,"ცივი ომის" დასასრული და "ხავერდოვანი" რევოლუციების ტალღა აღმოსავლეთ ევროპაში.
1991 წელი – 11:43 სთ – აშშ და რუსეთი თანხმდებიან სტრატეგიული შეიარაღების შემცირების თაობაზე.
1995 წელი – 11:46 სთ – "ტვინების გადინება" პოსტსაბჭოთა სივრციდან.
2007 წელი – 11:55 სთ – ბირთვული პროგრამები ჩრდილოეთ კორეასა და ირანში,გლობალური დათბობის პრობლემის წინა პლანზე წამოწევა.
2010 წელი – 11:54 სთ – აშშ უარს ამბობს აღმოსავლეთ ევროპაში ანტისარაკეტო თავდაცვითი სისტემის განთავსებაზე.

როგორც ხედავთ "აპოკალიფსი" ახლოს იყო 1953 წელს,სულ რაღაც 2 წუთი რჩებოდა "განკითხვამდე".
ნუთუ, მშობლიურ დედამიწაზე დევნილებად უნდა ვიქცეთ?

პასუხის პასუხი:იმედია დადგება დრო, როცა მსოფლიო უარს იტყვის ბირთვულ შეიარაღებაზე.გლობალური დათბობა და ბირთვული "პრობლემა" დიდ საფრთხეს უქმნის ჩვენს მშობლიურ დედამიწას.ნუ გაგვწირავთ წითელ პლანეტაზე გადაბარგებისათვის...

katastrofa

kote-112 — Sat, 12 Mar 2011 05:58:52 GMT

იაპონიაში 6,6 მაგნიტუდის სიმძლავრის მიწისქვეშა ბიძგები განმეორდა

kote-112 — Sat, 12 Mar 2011 05:55:59 GMT

იაპონიის ჩრდილო-დასავლეთში 6,6 მაგნიტუდის სიმძლავრის მიწისძვრა მოხდა.

გავრცელებული ინფორმაციით მიწისძვრა კუნძულ ჰონსიუზე, ნიგატას პრეფექტურაში, თბილისის დროით 22:59 საათზე, დაფიქსირდა.

შეგახსენებთ, რომ იაპონიაში მომხდარი 8.9 მაგნიტუდის სიმძლავრის მიწისძვრასა და ცუნამს 1000-ზე მეტი ადამიანი ემსხვერპლა. დაკარგულია ათასობით ადამიანი, რომელთაგანაც, სავარაუდოდ, უმრავლესობა დაღუპულია.

ფუკუსიმას ატომურ ელექტროსადგურზე რადიაციის დონე იზრდება. იაპონიის თავდაცვის მინისტრის განცხადებით, ფუკუსიმაში 1800 შენობაა დანგრეული.

„სამაშველო ოპერაციებში რამდენიმე ათასი ადამიანია ჩართული", - განაცხადა იაპონიის მთარობის გენერალირმა მდივანმა იუკიო ედანომ.

მისი ინფორმაციით, ოპერაციაში მონაწილეობა 2000 ადამიანი პოლიციის სპეცგანყოფილებიდან, მათ განკარგულებაშია 11 თვითმფრინავი.

მუშაობს 547 სახანძრო ჯგუფი, რომელთა რიცხვი 2-3 ათასს შეადგენს. ამოქმედებულია 9 სახანძრო საავიაციო რაზმი და სახანძრო საზღვაო 8 ბრიგადა.

თავდაცვის სამინისტროს ხაზით ოპერაციაში ჩართულია 300 თვითმფრინავი და 40 გემი. იაპონიის სანაპირობეთან იმფოფება აშშ-ს ავიამზიდი „რონალდ რეიგანი", რომელიც სამაშველო ოპერაციებისთვის საკუთარ ვეტმფრენებს იყენებს.

ივატას პრეფექტურაში მატარებელი გაუჩინარდა

kote-112 — Sat, 12 Mar 2011 05:54:26 GMT

ივატას პრეფექტურაში მატარებელი გაუჩინარდა. გავრცელებულ ინფორმაციაში დაზუსტებული არაა მატარებელი სამგზავროა თუ სატვირთო.
უფრო ადრე გავრცელდა ინფორმაცია პრეფექტურა მიაიგიში სამგზავრო მატარებლის გაუჩინარების შესახებ. კომპანია JR -ის (Japan Railways) სამგზავრო მატარებელი მიაიგის პრეფექტურის ცენტრალური ქალაქი სენდაინდან ნობირუს სადგურისკენ მიემართებოდა.

შეგახსენებთ, რომ იაპონიაში მომხდარი 8.9 მაგნიტუდის სიმძლავრის მიწისძვრასა და ცუნამს 1000-ზე მეტი ადამიანი ემსხვერპლა. დაკარგულია ათასობით ადამიანი, რომელთაგანაც, სავარაუდოდ, უმრავლესობა დაღუპულია.

ფუკუსიმას ატომურ ელექტროსადგურიდან რადიაციის დონე იზრდება. იაპონიის თავდაცვის მინისტრის განცხადებით, ფუკუსიმაში 1800 შენობაა დანგრეული.

„სამაშველო ოპერაციებში რამდენიმე ათასი ადამიანია ჩართული", - განაცხადა იაპონიის მთარობის გენერალირმა მდივანმა იუკიო ედანომ.

მისი ინფორმაციით, ოპერაციაში მონაწილეობა 2000 ადამიანი პოლიციის სპეცგანყოფილებიდან, მათ განკარგულებაშია 11 თვითმფრინავი. მუშაობს 547 სახანძრო ჯგუფი, რომელთა რიცხვი 2-3 ათასს შეადგენს. ამოქმედებულია 9 სახანძრო საავიაციო რაზმი და სახანძრო საზღვაო 8 ბრიგადა.

თავდაცვის სამინისტროს ხაზით ოპერაციაში ჩართულია 300 თვითმფრინავი და 40 გემი. იაპონიის სანაპირობეთან იმფოფება აშშ-ს ავიამზიდი „რონალდ რეიგანი", რომელიც სამაშველო ოპერაციებისთვის საკუთარ ვეტმფრენებს იყენებს.

19 მარტი კატასტროფის დღე გახდება

kote-112 — Sat, 12 Mar 2011 05:47:12 GMT

ასტროფოზიკოსების აზრით, იმ დღეს, როცა დედამიწის ერთადერთი თანამგზავრი დედამიწის ზედაპირს მაქსიმალურად მიაუახლოვდება, უამრავი სტიქიური უბედურება და ბუნებრივი კატასტროფაა მოსალოდნელი.

ასტროფიზიკის დარგში დასავლელმა სპეციალისტებმა შეძლეს განესაზღვრათ, რომ ზუსტად 19 მარტს მთვარესა და დედამიწას შორის სიშორე უკანასკნელი 19 წლის განმავლობაში მაქსიმალურად მცირე იქნება და დაახლოებით 356 ათას კილომეტრს მიაღწევს.

ასტროფიზიკოსები დარწმუნებულნი არიან, რომ მთვარისა და დედამიწის მაქსიმალური დაახლოება დედამიწის მკვიდრთ კარგს არაფერს მოუტანს. ანალოგიური მოვლენები დაფიქსირდა 1955, 1974, 1992 და 2005 წლებშიც, რაც ბუნების კატაკლიზმებით აღინიშნა. სწორედ ამ პერიოდში დაემუქრა დედამიწას არაერთი ძლიერი მიწისძვრა, დამანგრეველი ციკლონი თუ ცუნამი.

იაპონიაში მომხდარმა მიწისძვრამ დედამიწის ღერძი 10 სმ-ით გადააადგილა

kote-112 — Sat, 12 Mar 2011 05:45:34 GMT

იაპონიაში მომხდარმა მიწისძვრამ დედამიწის ღერძი თითქმის 10 სმ-ით გადააადგილა. ამის შესახებ იტალიის გეოფიზიკისა და ვულკანოლოგიის ეროვნული ინსტიტუტი იტყობინება.

ექსპერტების მტკიცებით, "მოცემული მოვლენის გავლენა ღერძზე უფრო მეტად არსებითი აღმოჩნდა, ვიდრე 2004 წლის სუმატრაზე მომხდარი მიწისძვრისა. მაშინ მიწისძვრამ დედამიწის ღერძის 6 სმ-ით გადაადგილება გამოიწვია".

იტალიელი სეისმოლოგები მიიჩნევენ, რომ დღევანდელი სიტქიური უბედურება, ტავისი გავლენით, მხოლოდ 1960 წელს ჩიკლეში მომხადრ უდიდეს მიწისძვრას ცამოუვარდება, რომლის მაგნიტუდა, სხვადასხვა შჶფასებებით, 9.3-9,5 იყო.

იტალიის კოსმოსური სააგენტოს გეოდეზიის ცენტრის დირექტორის ჯუზეპე ბიანკოს
განცხადებით, დღევანდელი მიწისძვრა უფრო სუსტია ვიდრე სუმატრაზე მომხდარი მიწისძვრა, მაგრამ დღევანდელი მოხდა ისეთ განედზე, რომ მისი გავლენა დედამიწის ღერძზე უფრო ძლიერია.

ასტრონომული მიღწევები 2010

kote-112 — Fri, 04 Mar 2011 10:03:50 GMT

სტრონომული სიახლეები ყოველთვის პირველ ადგილს იკავებენ მეცნიერული თემატიკის მასმედიურ წყაროებში. ასეთი აღმოჩენები გამოირჩევიან მასშტაბურობით და რომანტიული იდუმალებით. 2010 წელს ასტრონომებმა არაერთხელ გაამართლეს მეცნიერული ინფორმაციით დაინტერესებული მკითხველის იმედები - მაგალითად, სამყაროს ყველაზე უშორესი ობიექტის აღმოჩენა(ანუ ყველაზე ხნიერის).

ეს არის გალაქტიკა UDFy-38135539, რომელიც დიდი აფეთქებიდან 600 მილიონი წლის მერე ჩამოყალიბდა( ანუ ახლა 13,1 მილიარდი წლისაა), მან შეცვალა წინა რეკორდსმენი - გამა ანთება ასაკით 13 მილიარდი წელი(ეს ანთება მოხდა ადგილზე, სადაც გალაქტიკა ვერ აღმოაჩინეს).
სხვა რეკორდებიდან აღსანიშნავია ყველაზე მძიმე ვარსკვლავი, ყველაზე ახალგაზრდა(იმყოფება ჩამოუყალიბებელ და პროტოვარსკვლავის სტადიებს შორის), ყველაზე მასიური ნეიტრონული ვარსკვლავი, რომელიც ვერ ჯდება ასეთი ობიექტების ფორმირების შესახებ არსებულ თეორიებში, ყველაზე ახალგაზრდა ეკზოპლანეტა,ის დაახლოებით 36 მილიონი წლისაა.
ამას გარდა, გასულ წელს, როგორც ასტრონომები აცხადებენ, მათ შეძლეს შავი ხვრელის გაჩენის პროცესზე დაკვირვება - 1997 წელს გალაქტიკა M100-ში მოხდა ზეახალის ანთება, რამაც მის ადგილზე შავი ხვრელის წარმოქმნა გამოიწვია, ტელესკოპებმა ხვრელისთვის დამახასიათებელი სიგნალი შემდგომ წლებში დააფიქსირეს. 2010-ში მოხდა ეკზოპლანეტის სპექტრის პირდაპირი გაზომვა. იმის მიუხედავად, რომ პირველი პლანეტა სხვა ვარსკვლავთან ჯერ კიდევ 1992 წელს აღმოაჩინეს, ახლა კი მათი რაოდენობა 500-ს აჭარბებს, მეცნირები მათ ირიბი მეთოდებით იკვლევენ(ანუ არც ისე საიმედო). პლანეტების სპექტრის შესწავლა პირდაპირი დამზერით შეუძლებელი იყო, რადგან მას ახშობდა თავისივე ვარსკვლავის ელვარება. მაგრამ 2010 წელს ასტრონომებმა მოძებნეს ამ პრობლემის დაძლევის ხერხი. ეკზოპლანეტების სპექტრების შესწავლა მეცნიერებს საშუალებას მისცემს მიიღონ ინფორმაცია პლანეტების და მათი ატმოსფეროების ქიმიურ შემადგენლობაზე.
2010 წელს ასტრონომებმა მოძებნეს და მაშინვე დაკარგეს სიცოცხლისათვის შესაფერისი პლანეტა Gliese 518g. სამაგიეროდ მივიდნენ დასკვნამდე, რომ არასაიმედო Gliese 518g-ის ”მეზობელ” პლანეტაზე შეიძლება იყოს წყალი თხევად მდგომარეობაში - მთავარი ელემენტი პლანეტის ჰიპოთეტურ მაცხოვრებელთათვის(მიკროორგანიზმები). Gliese 518g არც თუ ისე შორსაა დედამიწიდან - 20,5 სინათლის წელი.(ჰართლი2-ის ბირთვი. ფოტო NASA/JPL-Caltech/UMD).

ასტრონომები რა თქმა უნდა ახლო კოსმოსის კვლევითაც იყვნენ დაკავებულნი. NASA-ს აპარატმა სახელად Deep Impact, 4 ნოემბერს საკმაოდ ახლოს ჩაუფრინა, კოსმოსური მასშტაბებით თუ ვიმსჯელებთ(700 კილომეტრი), კომეტა ჰართლი-2-ს(სექტემბერში მათ 60 მილიონი კილომეტრი აშორებდათ). მიახლოების დროს აპარატმა გადაიღო უამრავი ფოტო, რომლებსაც ასტრონომები ახლაც იკვლევენ. აპარატმა დაადგინა, რომ ჰართლი-2-დან ორთქლდება ნახშირმჟავა გაზი და არა გაყინული წყალი, ასევე ის, რომ მისი ზედაპირიდან კოსმოსში იფრქვევიან ციანიდები.
კიდევ ერთი ახლოს მყოფი ობიექტი, რომელიც სურპრიზებით გამოირჩეოდა არის მთვარე. 2009 წელს მასზე ნასამ ერთბაშად ორი ”ჭურვი” ჩააგდო, რომლებმაც მტვრის ღრუბლები წარმოქმნეს. ბომბარდირებიდან ორი თვის მერე მეცნიერებმა განაცხადეს, რომ ”ჭურვების” ზედაპირზე დაცემის შედეგად ამოფრქვეულ გრუნტში არის წყალი. უფრო გულდასმით კვლევის მერე გაირკვა, რომ ზოგან წყალი უფრო მეტია ვიდრე უდაბნო საჰარაში. ამას გარდა, რეგოლითი, როგორც მთვარის ზედა ფენას უწოდებენ, ვერცხლის, მაგნიუმის, სინდიყის,კალციუმის, ნახშირბადის მონოოქსიდის და სხვა ნივთიერებათა სოლიდურ მარაგებს შეიცავს. ამ წელსვე გაკეთდა მთვარის ზედაპირის ყველაზე ზუსტი რუქა.
აღსანიშნავია კალიფორნიაში არსებულ ტბაში ბაქტერიების აღმოჩენა, რომლებიც ფოსფორის მაგივრად დარიშხანს იყენებენ დნმ-ის ”მშენებლობისთვის”. ეს არის დასტური იმისა, რომ სიცოცხლე სამყაროში შეიძლება არსებობდეს არა მარტო იმ სახით, როგორიც არის დედამიწაზე. თუმცა ძალიან მალე, ”უცხოპლანეტელების” ამბავი აღმოჩენის ავტორთა კოლეგებმა გააკრიტიკეს, აღმოაჩინეს რა სტატიაში სერიოზული დარღვევები. ასე, რომ ეს ფაქტი ჯერ კიდევ არ არის ბოლომდე დამტკიცებული.
და ბოლოს, 2010 წელს დედამიწაზე მოხვდნენ ნაწილაკები სრულიად არამიწიერი ობიექტიდან - ზონდმა ”ჰაიაბუსამ” პატარა კონტეინერით ჩამოიტანა 1,5 ათასამდე მტვრის ნაწილაკი ასტეროიდ იტოკავადან. ადამიანების მიერ შექმნილი აპარატებიდან ”ჰაიაბუსა” გახდა პირველი, რომელმაც დედამიწაზე ასტეროიდის ფრაგმენტები ჩამოიტანა. საერთოდ კი, ზონდთა სიაში, რომელთაც არამიწიერი გრუნტი ჩამოიტანეს, ”ჰაიაბუსა” მეექვსე ადგილს იკავებს.

სამყარო ჰოლოგრამაა?!

kote-112 — Fri, 04 Mar 2011 10:00:44 GMT

"ჰოლომეტრის” გამოყენებით სპეციალისტები იმედოვნებენ, რომ დაამტკიცებენ ან ურყოფენ თამამ ვარაუდს იმის შესახებ, რომ სამ განზომილებიანი სამყარო, ისეთი, როგორიც ცვენ წარმოგვიდგენია არ არსებობს და ის მხოლოდ თავისებური ჰოლოგრამაა. სხვანაირედ რომ ვთქვათ, გარემო რეალობა ილუზიაა დას სზვა არაფერი. თეორია იმის შესახებ, რომ სამყარო არის ჰოლოგრამა, ეფუძნება არც თუ ისე დიდი ხნის წინ გაჩენილ ვარაუდს, რომ სივრცე და დრო არ არის უწყვეტი სტრუქტურა, ისინი ცალკეული ნაწილებისგან შედგებიან, წერტილებისგან, როგორც პიქსელებია ფოტოზე, რის გამოც შეუძლებელია "გამოსახულების მასშტაბის” უსასრულოდ გდიდება, მოვლენათა არსში სულ უფრო ღრმად შეღწევის დროს. რაღაც მასშტაბის მიღწევის მერე სამყარო ემსგავსება დაბალი ხარისხის ციფრულ გამოსახულებას, არის ბუნდოვანი, გადღაბნილი. წარმოიდგინეთ ჩვეულებრივი ფოტო ჟურნალიდან. ის გამოიყურება როგორც უწყვეტი გამოსახულება, მაგრამ, დაწყებული გადიდების რაღაც დონიდან, იშლება ერთი მთლიანი გამოსახულების შემადგენელ წერტილებად. ხსენებული ვარაუდის მიხედვით ჩვენი სამყაროც აწყობილია მიკროსკოპული წერტილებით მთლიან, ლამაზ სურათად, რომელიც ამოზნექილიცაა.გრავიტაციული ტალღები ჰოლოგრამულ სამყაროში.

სამყაროს ილუზორულობის შესახებ იდეა პირველად გაუჩნდა ლონდონის უნივერსიტეტის ფიზიკოსს დევიდ ბომს. მისი თეორიის თანახმად სამყარო აგებულია დაახლოებით ისე, როგორც ჰოლოგრამა. როგორც ჰოლოგრამის უმცირესი მონაკვეთი შეიცავს მთლიან ინფორმაციას სამგანზომილებიანი ობიექტის შესახებ, ასევე ყოველი არსებული ობიექტი არის "ჩალაგებული” ყოველ მის შემადგენელ ნაწილებში.

აქედან გამომდინარე, ობიექტური რეალობა არ არსებობს - გააკეთა თავის დროზე სენსაციური დასკვნის შესახებ განცხადება პროფესორმა ბომმა. სამყაროს აშკარა სიმკვრივის მიუხედავად იგი თავის ფუნდამენტში ილუზიაა, კარგად დეტალიზირებული ჰოლოგრამა.

ამ უცნაურ დასკვნამდე, ბომი კიდევ ერთმა, თავის დროზე გახმაურებულმა ელემენტარულ ნაწილაკებზე ჩატარებულმა ექსპერიმენტმა მიიყვანა. 1982 წელს პარიზის უნივერსიტეტის ფიზიკოსმა ალან ასპექტმა აღმოაჩინა, რომ გარკვეულ პირობებში ელექტრონებს შეუძლიათ ერძთმანეთთან ჰქონდეთ მუდმივი, მომენტალური კავშირი, მათ შორის არსებული ნებისმიერი მანძილის მიუხედავათ. არა აქვს მნიშვნელობა, ათი მილიმეტრი იქნება თუ ათი მილიარდი კილომეტრი. რაღაცნაირად ყველა ნაწილაკმა "იცის” რას აკეთებს მეორე. ამ აღმოჩენაში არის ერთი პრობლემა: ის არღვევს აინშტაინის პოსტულატს ურთიერთქმედების გადაცემის ზღვრული სიჩქარის შესახებ.
შეგახსენებთ, რომ ჰოლოგრამა სამ განზომილებიან გამოსახულებას წარმოადგენს, რომელიც ლაზერითაა გაკეთებული. მის შესაქმნელად, პირველ რიგში, გადასაღბი ობიექტი უნდა განათდეს ლაზერის სხივით. ამ დროს მეორე ლაზერის სხივი, ობიექტიდან არეკლილ სინათლეს ერწყმება და ინტენფერენციულ სურათს იძლევა(სხივების მინიმუმებისა და მაქსიმუმების მიმდევრობა), რომელიც შესაძლებელია დაფიქსირდეს ლენტაზე. მზა გამოსახულება გამოიყურება, როგორც ნათელი და ბნელი ხაზების ნარევი. საკმარისია სურათი გავანათოთ მეორე ლაზერით, რომ ჩვენს წინაშე საწყისი ობიექტის სამ განზომილებიანი გამოსახულება გამოჩნდება.
წარმოიდგინეთ აკვარიუმი თევზით. ის, რომ თქვენ არ შეგიძლიათ უშუალოდ აკვარიუმის დანახვა, არამედ ორი ტელეეკრანის, რომლებზეც ამ თევზის გამოსახულება გადმოიცემა. ერთ ეკრანზე წინიდან, მეორეზე გვერდიდან. ამ დროს შეიძლება დავასკვნათ, რომ ვხედავ სხვა და სხვა თევზებს, თუმცა თევზის მოძრაობებზე დაკვირვების მერე შევამჩნევთ, რომ მათ შორის რაღაც კავშირია. თუ ჩვენ არ გვაქვს სიტუაციის მთლიანი სურათის აღქმა, შეიძლება გადავწყვიტოთ, რომ თევზებს შორის განუწყვეტელი და მომენტალური კავშირი არსებობს, და რომ ეს არ არის შემთხვევითობა.
თუმცა ბომმა ახსნა მოძებნა. მისი თქმით, ელემენტარული ნაწილაკები ერთმანეთზე ზემოქმედებენ ნებისმიერ მანძილებზე არა იმიტომ, რომ ისინი რაღაც იდუმალი სიგნალებით არიან დაკავშირებულნი, არამედ იმიტომ, რომ ნაწილაკებს შორის დაშორება ილუზორულია. რეალობის რაღაც დონეზე ასეთი ნაწილაკები ცალკეული ობიექტები კი არ არიან, არამედ რაღაც უფრო ფუნდამენტურის ფაქტიური გაფართოებები.რისი მატარებელი შეიძლება იყოს კიდევ ჰოლოგრამა - ჯერჯერობით უცნობია. დავუშვათ, მაგალითად, ეს არის მატრიცა, რომელიც ყველაფრის საწყისია მთელს სამყაროში, მასში არის ყველა ელემენტარული ნაწილაკი, რომლებიც იღებდნენ ან მიიღებენ მატერიისა და ენერგიის ყველანაირ შესაძლებელ ფორმებს - თოვლის ფიფქიდან კვაზარამდე, ლურჯი ვეშაპებიდან გამა გამოსხივებამდე. ეს თავისებური სამყაროს ზომის სუპერმარკეტია, რომელშიც ყველაფერია.

ბომი ამბობდა, რომ ჩვენ არ გვაქვს საშუალება გავიგოთ, თუ რას მალავს თავის თავში ჰოლოგრამა, თუმცა თამამად აცხადებდა, არც იმის მიზეზი გვაქვს ვივარაუდოთ, რომ მასში მეტი აღარაფერია. სხვანაირად რომ ვთქვათ, შესაძლებელია, სამყაროს ჰოლოგრამული დონე მისი უსასრულო ევოლუციის ერთ-ერთი საფეხური იყოს.დევიდ ბომი(David Bohm). ალან ასპექტი. ქრეიგ ჰოგანი.

შესაძლებელია კი ამ ილუზიურობის ინსტრუმენტებით კვლევა? აღმოჩნდა, რომ შესაძლებელია. უკვე რამდენიმე წელია გერმანიაში არსებულ გრავიტაციულ ტელესკოპზე(ჰანოვერი) GEO600, მიმდინარეობს კვლევები გრავიტაციული ტალღების, დრო-სივრცული რხევების აღმოსაჩენად, რომლებსაც ზემასიური კოსმოსური ობიექტები წარმოქმნიან. მთელი ამ დროის განმავლობაში ასეთი ერთი ტალღაც კი არ დაფიქსირებულა. ერთ-ერთი მიზეზია უცნაური ხმაური 300-1500 ჰერციან დიაპაზონში, რომელთაც დიდი ხანია აფიქსირებს დეტექტორი. ისინი ძალიან უშლიან მოწყობილობის მუშაობას ხელს. დიდი მონდომების მიუხედავათ მკვლევარებმა ვერ მოძებნეს ამ ხმაურის წყარო, სანამ მათ არ დაუკავშირდა ფერმილაბის დირექტორი ქრეიგ ჰოგანი. ჰოგანის აზრით, ჰოლოგრაფული პრინციპიდან გამომდინარეობს, რომ სამყარო არ არის უწყვეტი ხაზის მაგვარი, ის მიკროზონების, მარცვლების, დრო-სივრცის თავისებური კვანტების ერთობლიობაა. GEO600-ის მოწყობილობა საკმარისად მგრძნობიარეა იმისთვის, რომ ვაკუუმის რხევები დააფიქსიროს, რომლებიც დრო-სივრცის კვანტურ ზღვრებზე ხდება, იმ მარცვლებისა, რომელთაგანაც არის აწყობილი სამყარო, თუ ჰოლოგრამული პრინციპი სიმართლეა - ამბობს პროფესორი ჰოგანი.

ოპტიმისტის აზრი

ფსიქოლოგი ჯეკ კორნფილდი, ყვება რა ტიბეტური ბუდიზმის ცნობილ მასწავლებელთან კალუ რინპოჩესთან შეხვედრის შესახებ, იხსენებს, რომ მათ შორის ასეთი საუბარი შედგა:

კალუ რინპოჩე. მარტინ რისი(Martin Rees).

-ხომ არ შეგიძლიათ მოკლე ფრაზით ამიხსნათ ბუდისტური სწავლების არსი?

-მე შემიძლია ამის გაკეთება, მაგრამ თქვენ არ დამიჯერებთ, და რომ გაიგოთ, რაზე ვლაპარაკობ, ამისთვის წლებია საჭირო.

-და მაინც, ამიხსენით თუ შეიძლება, ძალიან მინდა ვიცოდე. რინპოჩეს პასუხი მოკლე აღმოჩნდა:

-რეალურად თქვენ არ არსებობთ.

პესიმისტის აზრი

ლონდონის სამეფო საზოგადოების პრეზიდენტი, კოსმოლოგი და ასტროფიზიკოსი მარტინ რისი: "სამყაროს გაჩენა ჩვენთვის საიდუმლოდ დარჩება”. ჩვენ ვერ გავიგებთ სამყაროს აგებულობის კანონებს. ვერასოდეს გავიგებთ როგორ გაჩნდა სამყარო და რა ელის მას. ჰიპოთეზა დიდი აფეთქების შესახებ,რომელმაც თითქოს ჩვენი გარემომცველი სამყარო გააჩინა, და რომ არსებობენ პარალელური სამყაროები ან ჰოლოგრაფული პრინციპი - ყოველთვის დაუმტკიცებელ ვარაუდებად დარცებიან ჩვენთვის. უეჭველია, ახსნა აქვს ყველაფერს, თუმცა არ არიან ისეთი გენიოსები, რომლებიც ამაში გაერკვევიან. ადამიანის გონი შეზღუდულია. მან თავის ზღვარს მიაღწია. ჩვენთვის ისეთივე გაუგებარია ვაკუუმის მიკროსტრუქტურა, როგორც აკვარიუმში მცხოვრები თევზისთვისაა უცნობი თუ რისგან შედგება არე, რომელშიც ის იმყოფება. მე მაქვს საფუძველი ვიფიქრო, რომ დრო-სივრცეს მარცვლოვანი სტრუქტურა აქვს. მისი ყოველი მარცვალი ტრილიონი ტრილიონჯერ მცირეა ატომის ზომაზე. თუმცა ამის მტკიცება ან უარყოფა, ან გაგება, თუ როგორ მუშაობს ასეთი კონსტრუქცია, ჩვენ არ შეგვიძლია. ამოცანა ზედმეტად რთულია, ის ადამიანის აზროვნების ზღვარს სცილდება